जसोदा हरि पालनैं झुलावै - Jasoda Hari Palne Jhulave - Krishna Bhajan

कृष्ण भजन

जसोदा हरि पालनैं झुलावै,

जसोदा हरि पालनैं झुलावै।

🎧 "जसोदा हरि पालनैं झुलावै" प्रभु भजन को सीधे यहीं सुनें:

हलरावै, दुलराइ मल्हावै,

जोइ-जोइ कछु गावै॥

जसोदा हरि पालनैं झुलावै,

जसोदा हरि पालनैं झुलावै।

मेरे लाल कौं आउ निंदरिया,

काहैं न आनि सुवावै।

तू काहैं नहिं बेगहिं आवै,

तोकौं कान्ह बुलावै॥

जसोदा हरि पालनैं झुलावै,

जसोदा हरि पालनैं झुलावै।

कबहुँ पलक हरि मूँदि लेत हैं,

कबहुँ अधर फरकावै।

सोवत जानि मौन ह्वै कै रहि,

करि-करि सैन बतावै॥

जसोदा हरि पालनैं झुलावै,

जसोदा हरि पालनैं झुलावै।

इहिं अंतर अकुलाइ उठे हरि,

जसुमति मधुरैं गावै।

जो सुख सूर अमर-मुनि दुरलभ,

सो नँद-भामिनि पावै॥

जसोदा हरि पालनैं झुलावै,

जसोदा हरि पालनैं झुलावै।

हलरावै, दुलराइ मल्हावै,

जोइ-जोइ कछु गावै॥

जसोदा हरि पालनैं झुलावै,

जसोदा हरि पालनैं झुलावै।