वृन्दावन मेरो वृन्दावन - Vrindavan Mero Vrindavan - Krishna Bhajan

To Listen This Bhajan 👇

कृष्ण भजन 

श्यामा हृदय कमल सो प्रकट्यो,

और श्याम हृदय कू भाए,

वृन्दावन प्यारो वृन्दावन,

वृन्दावन मेरो वृन्दावन ॥

सब सुख सागर रूप उजागर,

रहे वृंदावन धाम,

रूप गोस्वामी प्रगट कियो जहाँ,

गोविंद रूप निधान,

वृन्दावन प्यारो वृन्दावन,

वृन्दावन मेरो वृन्दावन ॥

बिहरत निसदिन कुंज गलीन में,

ब्रज जन मन सुखधाम,

मदन मोहन को रुप निरख के,

सनातन बली बली जाए,

वृन्दावन प्यारो वृन्दावन,

वृन्दावन मेरो वृन्दावन ॥

गोपी ग्वाल सब हिय उर धारे,

प्यारो गोपीनाथ,

मधुसूदन जिन कंठ लगायो,

जहाँ है रही जय जयकार,

वृन्दावन प्यारो वृन्दावन,

वृन्दावन मेरो वृन्दावन ॥

गोपाल भट्ट की हृदय वेदना,

प्रगट्यौ शालिग्राम,

रुप सुधा को खान हमारो,

श्री राधारमण जु लाल,

वृन्दावन प्यारो वृन्दावन,

वृन्दावन मेरो वृन्दावन ॥

आतुर है हरिवंश पुकारो,

श्री राधा राधा नाम,

सघन कुंज यमुना तट आयो,

श्री राधावल्लभ लाल,

वृन्दावन प्यारो वृन्दावन,

वृन्दावन मेरो वृन्दावन ॥

युगल किशोर कु लाड लडायो,

नवल कुंज हिय माए,

कुंज निकुंजन की रज धारे,

व्यास युगल यश गाए,

वृन्दावन प्यारो वृन्दावन,

वृन्दावन मेरो वृन्दावन ॥

भुवन चतुर्दश की सुंदरता,

निधिवन करत विहार,

श्यामा प्यारी बाके बिहारी,

श्यामा प्यारी कुंज बिहारी,

और जय जय श्री हरिदास,

वृन्दावन प्यारो वृन्दावन,

वृन्दावन मेरो वृन्दावन ॥

जिनकी कृपा से यह रस प्रगट्यौ,

वृन्दावन अभिराम,

सप्तनिधीन को हिय उजियारो,

हम सब को है प्राण पियारो,

हमारो गिरधर लाल,

वृन्दावन प्यारो वृन्दावन,

वृन्दावन मेरो वृन्दावन ॥

श्यामा हृदय कमल सो प्रकट्यो,

और श्याम हृदय कू भाए,

वृन्दावन प्यारो वृन्दावन,

वृन्दावन मेरो वृन्दावन ॥

To Listen This Bhajan